Joe 3 | Ndebele | STEP | Ngoba khangela, ngalezonsuku langalesosikhathi lapho ngibuyisa ukuthunjwa kukaJuda leJerusalema ,

Joel 3

Ukugwetshwa kwezizwe

1 Ngoba khangela, ngalezonsuku langalesosikhathi ^a lapho ^b ngibuyisa ukuthunjwa kukaJuda leJerusalema ^c, 2 ngizabutha zonke izizwe ^d, ngizehlisele esigodini sikaJehoshafathi ^e, ngizigwebe khona ngenxa yabantu bami ^f lelifa lami uIsrayeli ^g, ezibahlakaze phakathi kwezizwe, zalaba ilizwe lami, 3 zenza inkatho yokuphosa ngabantu bami ^h, zanika umfana ngewule, zathengisa inkazana ngewayini, ukuze zinathe. 4 Yebo-ke, lilani kimi, Tire ^{i
,} ^j leSidoni ^k, lani lonke mingcele ^l yeFilisti ^{m
,} ⁿ? Lizangibuyisela umvuzo yini? Uba-ke lingibuyisela, masinyane ngokuphangisa ^o ngizabuyisela umvuzo wenu ekhanda lenu ^p. 5 Ngoba lithethe isiliva sami legolide lami, laletha izinto zami eziloyisekayo ezinhle emathempelini enu ^q. 6 Lathengisa ^r abantwana bakoJuda labantwana beJerusalema ^s ebantwaneni bamaGriki, ukuze libasusele khatshana lomngcele wabo ^t. 7 Khangelani, ngizabavusa endaweni elabathengisa kiyo, ngibuyisele umvuzo wenu ekhanda lenu ^u. 8 Njalo ngizathengisa amadodana enu lamadodakazi enu esandleni sabantwana bakoJuda ^v, abazabathengisa kumaSabeya esizweni ^{w
,} ^x esikhatshana ^y; ngoba iNkosi ikhulumile.

9 Memezelani lokhu phakathi kwezizwe; lingcwelise impi; livuse amaqhawe; kawasondele enyuke wonke amadoda empi. 10 Khandani amakhuba enu abe yizinkemba ^z, lengqamu zenu zokuthena zibe yimikhonto ^aa; obuthakathaka athi: Ngiliqhawe ^ab. 11 Phangisani lize, lina zizwe ^{ac
,} ^ad zonke ezizingelezeleyo, libuthane ^{ae
,} ^af; Nkosi, yehlisa amaqhawe akho kuleyondawo ^ag. 12 Kazizivuse izizwe zenyukele esihotsheni sikaJehoshafathi ^ah; ngoba kulapho engizahlala khona ukugweba zonke izizwe inhlangothi zonke ^ai.

13 Fakani ^aj isikela ^ak, ngoba ^al isivuno sivuthiwe ^am; wozani lehlele phansi, ngoba isikhamelo sewayini sigcwele ^an, amafatshi ewayini ayaphuphuma ^ao, ngoba ububi babo bukhulu. 14 Amaxuku, amaxuku ^ap esihotsheni ^aq sesinqumo ^ar; ngoba usuku lweNkosi luseduze ^as esihotsheni sesinqumo ^at. 15 Ilanga lenyanga kuzakuba mnyama ^au, lezinkanyezi zigodle ukukhanya kwazo ^av. 16 INkosi izabhonga-ke iseZiyoni ^aw, ikhuphe ^ax ilizwi layo iseJerusalema ^ay, kunyikinyeke amazulu lomhlaba ^az. Kodwa iNkosi ibe yisiphephelo sabantu bayo, lamandla abantwana bakoIsrayeli ^ba.

17 Ngalokho lizakwazi ukuthi ngiyiNkosi, uNkulunkulu wenu ^bb, ohlala ^bc eZiyoni ^bd, intaba yobungcwele bami ^{be
,} ^bf. Njalo iJerusalema izakuba yibungcwele, labezizwe kabasayikudlula phakathi kwayo ^bg.

18 Kuzakuthi-ke ngalolosuku ^bh izintaba zithontise ^{bi
,} ^bj iwayini elimnandi ^bk, lamaqaqa ^bl ageleze uchago, lazo zonke izifula zakoJuda zigeleze amanzi ^bm, lomthombo uphume endlini yeNkosi ^bn, uthelele isihotsha seShithimi ^bo. 19 IGibhithe izakuba lunxiwa ^bp, leEdoma ibe ^bq yinkangala elunxiwa ^br, ngenxa yodlakela olumelene labantwana bakoJuda, ngoba bachithe igazi elingelacala ^bs elizweni labo. 20 Kodwa uJuda uzahlala kuze kube nininini ^bt, leJerusalema kuze kube yisizukulwana lesizukulwana. 21 Ngoba ngizahlanza igazi labo, engangingalihlanzanga ^bu; ngoba iNkosi ihlala eZiyoni ^bv.